Lampa e mani in bughju
e ne face sorte finzione
tutte sturdulite
di rivene à u mondu

A tela cume un spechju
un si lascia francà
mai l’altru mondu
un fu cusi vicinu

A chi cunnosce un parente
A chi avvede l’infernu di Dante
Virgile e i seguenti
i piu grandi cerbelli
frighje eternamente

Mani di legnu
e pinellu di carne
Ellu s’appichjà
à u lume è tracolla
altura di sottu
induve ci so pochi
e nisunu

Di nunda s’impaurisce
cume ghjè troppu altu
A chi un capisce
u so mondu sfumatu

dice di chjode l’ochji
e di scarcerà u core
Chi un c’hè altre strade
pè a ‘ritta andatura

Pesatu di pettu
à a so arte mai omu sa
s’ellu hè mortu o vivu