U sgiò presidente di a federazione di i pescatori corsi ha prisentatu nantu a Corse-Matin e so viste di l’avvene. Se a Corsica pode esse chjamata un castellu d’aqua, hè luntana d’avè paratu a sicchia. Eppuru se quist’annu un pardonna (cume dice a canzona), pode sterpà a maiò parte di e truite capiate da st’inamurati di a natura indè i nostri fiumi .
Se quessi, amanti di a Corsica, provanu da rispettà a natura lucale, certi fanatichi di a pesca preferiscenu capià pesci ch’elli volenu piscà a u risicu di disgrazià i lucali. Ma u successu di u prugrammu “Life truite” finanzatu da l’Europa dà abbastanza speranza nantu a u sviluppu di a macrostigma.

L’ultumu lagnu di u sgiò presidente ghj’hè statu pè i kaiakista chi disturbanu i pesci a listessu tempu di i pescatori. Che signunu appia u sò tempu, eccu a voglia di u sgiò presidente.
Dopu avè betu e sò parolle, dopu avè sputatu e truite s’elle fussinu venute cu l’acqua, salutemu u sgiò presidente di u so discorsu di saviu. Ci pudemu dumanda quantuque se i mustacci sò propriu moltifinchi. Ma quessa ghj’hè un altra storia….

Powered by ScribeFire.