Eccu qualche parolle frusculate chi danu u piace di a chjarasgia in bocca a mezzu a un’ espressione. Di certe parolle d’induve sbuccia un profumu di puesia, i fiori di a nostra lingua spanpannanu.

Animetta : L’animetta hè u bottulu di u collu di a camisgia. Pè quellu chi face un sforzu straordinariu o chi face qualcosa particularmente difficiule, si dice ch’ellu si strappa l’animetta.

Colmu : più che pienu in una manera piacevule.

Inpenna : Sarrebbe un sinonimu di scrive. Ma quandu si scrive si carezza a carta cu a punta di a penna. Invece, inpennà ghjè scrive in una manera chi a parolla un si scioltessi più di a carta.